Tag: Hatayi

Gülyüzin kim düşmüş ol zülf-i perişan üstüne Bir bulıtdır kim düşübdir mâh-ı tâbân üstüne

Yâr ışkın bağrımın tâ çekdi yüz dağ üstüne Ateş-i hicrin bu dağın çekdi bir dağ üstüne

Gönlimi çekdi şeha dağ-ı gamın dağ üstüne Yine ol mâhın firakı çekdi bir dağ üstüne

Canım tükendi hasret-i cananeyem yine Şem’-i ruhına ışk ile pervaneyem yine

Gonce tek lâ’lini handan ittiğin ya’ni ki ne Lâle tek bağrımı pür kan itdiğin ya’ni ki ne

Yine bî-pervalığı yâd itdiğin ya’ni ki ne Olur olmaz sözi bünyâd itdiğin ya’ni ki ne

Canâ gönilde hemdem olan gam-dürür mene Görkim firak ivende ne hemdem-dürür mene

Ey cemâlin gülsitânı bağ-i minudır mene Cennet-i rıdvan ki dirier ol ser-i kûdır mene

Sanma kim sen gitdin ey ayyüzli can kaldı mene Çün seninle gitdi cismim nâtüvân kaldı mene

Gitdi ol mehrû yanımdan yüz cefa kaldı mene Çevri bilmen kim belâ-yı münteha kaldı mene