Hakikat bahr-i zat-ı ekber oldı
Sıfatından anın bir gevher oldı
Muhammed Mustafa’dır kân-ı gevher
Kemal-i kudretinden Hayder oldı
Hasan’dır mülk-ı ışkın doğrı yâri
Anın hüsnine Yusuf çaker oldı
Hüseyn-i Kerbelâ’dır şâh-ı ma’ni
Ana münkir olanlar Kâfer oldı
İmam Zeynel Abidin Bakır’ı bil
Mevaliler imamı Cafer oldı
Erişdi vadesi sahib-zamanın
Ulu divan kuruldu mahşer oldı
Zuhur itdi tecellisi imamın
Münafık görmedi kör diğer oldı
Olar ki tâbi-i mervanilerdir
Sürildi çıhdı dinden ebter oldı
Şahın evlâdına ikrar idenler
Ahiler gaziler abdallar oldı
Velayet bahçesinin bâğbanı
Yüzin açdı cihanı enver oldı
Şahın astanesinde kulları çoh
Hatayi cümlesinden kemter oldı
Mefâilün mefâîlü faûlün