Ey iki âlem penahı şah ü server yâ
Ali Sahib-i fazl-ı vilâyet şir-i Hayder yâ Ali
Geldi destin şanına ism-i yeddullah bigüman
Oldı zât-ı bî-misâlin Hakka mazhar yâ Ali
Ruz-i heyca saadin bir fark-ı ada besdürür
Kabzına hacet değül şemşir ü hançer yâ Ali
Ey şecaat madeni sen hışm ile hükm eylesen
Kün fekân bir almadır destinde yekser yâ Ali
Fazl ü ihsan ü mürüvvet hem sehavet kânısın
Lutfuna hak ile cevherdir beraber yâ Ali
Ol Ali’sin kim senin şanına geldi Hel’etâ
Vasfın oldı mani-i Kur’an seraser yâ Ali
Senden özge gelmedi er kılıcundan özge tiğ
Bu söz evsâfındadır Hak’dan mukarrer yâ Ali
Kim katur ruz-i kıyamet havl-i mahşerde susuz
Anda sensin saki-i ebrâr ü kevser yâ Ali
Sensin ol Hayder ki dest-i mucizâtını görib
Hükmine râm oldı Şam ü Rum ü Berber yâ Ali
Ol Ali sen kim şehadet parmağın kallâb idüb
Kopdı yerden kuvvetinle bab-ı Hayber yâ Ali
Ol keramet kânısın kim Hak Teâlâdan sana
Şark ü garb ü arş ü kurs oldı musahhar yâ Ali
Üçyüz ilden sonra Selman itdi senden imtihan
Verdin anın destine gül taze vü ter yâ Ali
Sadr-ı diyan-ı ezelsin pişüva-yı enbiya
Kutb-ı din ü kıble vü miraç ü minber yâ Ali
“Lâhmike lâhmi” rumuzunun beyanı sendedir
Hemdem ü hem sırr ü hemraz-ı peyamber yâ Ali
Bu Hatayi hasteye hem-râh kıljil himmetün
Kim sana sıdk ilen oldı bende çâker yâ Ali
Fâilâtün fâilâtûn fâilâtün fâilûn
